“Никитон” хамтлагийнхан цэрэг эрсийн баяраар “Үүлэн үст” тоглолтоо толилуулахаар төлөвлөжээ.Тэдний тоглолтын ерөнхий зохион байгуулагчаар “On'n Off ” продакшн ажиллах гэнэ.

Тус хамтлагийн залуус хамгийн сүүлд 2012 оны гуравдугаар сард тайлан тоглолтоо хийж байв. Тэгвэл гурван жилийн дараа шинэ болоод хуучны хит болж байсан дуунуудаа хүргэхээр зэхэж байна.

Тоглолтын тасалбар 100 мянгаас нэг сая төгрөгөөр үнэлэгдэх юм. 100 мянган төгрөгийн тасалбар нь энгийн суудлынх бол нэг сая төгрөгийнх нь  нэг ширээний захиалга болон хувийн захиалга гэсэн хоёр сонголттой байх аж.

Тоглолт “Таванбогд” группийн байрны чанх урд байрлах “CROCUS EVENT HALL”-д болно. Тасалбарыг “Hi fi records”-ын салбараар худалдаалж буй. Мөн 1900-1199 дугаарт залган, захиалж болох юм.

                                                                                                                     Г.Золзаяа