Гадаадын жуулчид Монголын юунд татагддаг, юу үзэж, сонсохыг хүсдэг, тэдэнд эх орноо таниулан сурталчлах зорилгоор “Монгол угсаатан, нүүдэлчдийн өв соёл” ТББ “Mongolia” хэмээх кино бүтээжээ. Кинонд Монгол орны үзэсгэлэнт байгаль, нүүдлийн ахуй амьдрал, өв уламжлал, түүх соёл, найр наадам, үзвэр үйлчилгээ, дурсгалт газрууд, шашин шүтлэг, нийслэл хотын орчин үеийн хөгжил цэцэглэлтийг 56 минутын хугацаанд тайлбарлан харуулсан байна.

Киног DVD болон Blu- Ray форматаар хоёр төрлийн дискэн дээр монгол, англи, япон, орос хэл дээр сонгон үзэж болно. Киноны зураг авалт HD форматаар хийгдсэн тул Blu-Ray болон Data файлаар том дэлгэц дээр өндөр нягтралтай үзүүлэх боломжтой. Англи хэл дээрх текстийг "Talk talk English" сургалтын төвийн захирал Патрик Кеннеди, япон хэлийг Монгол Японы Соёлын төвийн зааварлагч Канзаки Мицүко, орос хэлийг “АИСТ” телевизийн нэвтрүүлэгч О.В.Нетудыхаткина нар орчуулан редакторлажээ.

                                                                                                                         Г.Золзаяа