Галдан бошгот хааны мэндэлсний 370 жилийн ойг тохиолдуулан Ардын жүжигчин, найруулагч Б.Мөнхдорж, төрийн соёрхолт хөгжмийн зохиолч Б.Мөнхболд нар хамтран “Галдан бошгот” дуулалт жүжиг Ховд аймгийн театрын уран бүтээлчидтэй хамтран толилуулсан билээ.

Урлагийнхан болоод үзэгчид уг жүжгийг үзээд жишиг бүтээл болжээ хэмээн үнэлсэн. Тэрбээр “Галдан бошгот” симфони сюит хос цомог хэвлүүлж, хэр авьяастай уран бүтээлч харуулаад авсан. Түүний хоёр дахь цомогт төрийн шагнал хүртсэн ятга, морин хуур найрал хөгжмийн концерт, мөн нийслэлийн “Улаанбаатар” чуулгад зориулсан “Хишигтэн” хэмээх бүтээл  нь багтсан юм.

Тэрбээр энэ намар Буриад зон олонд зориулан “21 дацан” хэмээх шинэ бүтээл туурвисан байна. Буриад “21 дацан”-гийн хамгийн сүүлчийнх нь Итгэлт хамба байжээ. Ийн бурхан шашны сэдвээр уран бүтээл туурвисан нь түүний хувьд анхных нь аж. Тэгвэл одоо “Pictures” студийн хамт олны бүтээл болох “Хурмастын дайчид” хүүхэлдэйн киноны хөгжим бичиж буй.

Г.Золзаяа