БНСУ  дахь “МОНГОЛ ИРГЭДИЙН ХОЛБОО”-ноос Инчён хотод болж буй Азийн аварга шалгаруулах наадамд  оролцож буй монгол тамирчдаа дэмжих талаар уриалга гаргажээ. Тэд дэмжигчдийг цагаан өнгийн футболкатай ирэхийг  уриалж, ирсэн хүн бүрийн  энгэрт урьдчилан бэлтгэсэн Монгол Улсын далбаа бүхий наалт нааж өгч байгаа юм байна. Мөн тэмцээн үзэхээр ирэхдээ Монгол Улсын далбаагаа авчрах, тэмцээн эхлэхээс 1-2 цагийн өмнө ирж баг тамирчдаа дэмжихийг уриалжээ.