“Aurora Films”-ийн найруулагч Б.Чингүүн хайрын эмгэнэлт түүх өгүүлэх "Учрал" уран сайхны кино хийхээр уран бүтээлийн ажилдаа ханцуй шамласан. Тэгвэл энэ киноны Туул хэмээх бүсгүйн дүрийг “Гурван охин” хамтлагийн дуучин Б.Анхмаа бүтээхээр болсон гэнэ.

Тэрбээр өмнө нь “Сая километр”, “Луйврын хот”, “Гарал угсаа” зэрэг кинонд тоглож, дэлгэцийн бүтээлд гологдохооргүй авьяастай гэдгээ харуулаад авсан.

Нөхөр Т.Билэгжаргалаасаа өрх тусгаарласан дуучин бүсгүй уран бүтээлээ шаргуу туурвихын хажуугаар кинод тоглоод завгүй яваа.

Энэ сарын сүүлчээр Учрал” киноны зураг авалт эхэлж, хавар олны хүртээл болох аж.