Баян-Өлгий аймагт болсон бүргэдийн баярт 13 настай Айшолпан тэргүүн байр  эзэлсэн. Охины талаар баримтат кино хийхээр нэг долларын гэрээ байгуулсан тухай мэдээлэл бүргэдийн баярын дараа цацагдаж байсан. Тэгвэл охины тухай баримтат кино хийх анхны гэрээг хүчингүй болгож шинэ гэрээ байгуулсан  байна. Гэрээг Арабын нэгдсэн Эмират улсад энэ сарын 6-13 нд болсон олон улсын шувуун анчдын наадмын үеэр байгуулжээ. Мөн энэ үеэр  киноны зарим хэсгийн зураг авалтыг  хийсэн байна.

Зураг авалтын үлдсэн 40 хувийг нэгдүгээр сард Монголд хийх аж. Айшолпан охин намрын бүргэдийн  баяраас хойш гадаадын хоёр баримтат кинонд тоглоод амжжээ.