Pеппер Рокит Бэй “Эвдэрхий хүн” цомог гаргаснаас хойш нам гүм байгаа. Энэ дууны клип цацагдсан даруйдаа Youtube.com хуудаст Монголын хамгийн олон хүн үзсэн бичлэг болсон. Сүүлийн үед хип хопт дургүй хүмүүс ч түүний дууг сонирхож сонсдог болоод буй.

Тэрбээр уран бүтээлээсээ түр завсарлага авсан нь учиртай. Дүрс бичлэг, кино хийдэг “Nine magic” нэртэй шинэ продакшн “Нигун” студийн хамт олонтой хамтран байгуулжээ. Одоогоор дуучин залуу найруулагчаар ажиллаж, дуу хөгжмийг нь хариуцаж байгаа аж. Түүнд үүцэлсэн нэлээд дуу бий.

Богино хэмжээний кино хийж дуусгаад, уран бүтээлээ дүрсжүүлж цацах гэнэ. Өдгөө 30 насны босго алхсан тэрбээр “Эцсийн зогсоол Э” киноны гол дүрд тоглосон нь олны сонирхлыг их татсан. Кинонд аавын дүр бүтээсэн Рокит Бэй амьдрал дээр бол ганц бие.

Г. Золзаяа