Монголын Үндэсний музей, АНУ-ын Питсбургийн их сургууль, Америкийн Монгол Судлалын төвтэй хамтран Дархадын хотгорын сав нутагт археологийн судалгааны “Умард Монгол” төслийг хамтран хэрэгжүүлдэг билээ. Төслийн багийн эрдэмтдийн энэ зуны малтлагын үр дүнд дэлхийн археологийн шинжлэх ухаанд нээлт болохуйц, Монголын эзэнт гүрний язгууртнуудад холбогдох цоо шинэ олдворуудыг нээлээ. Тус олдворт мөнх цэвдэгт хадгалагдсан тэс хөлдүү өрөм, шар тос байсан бөгөөд тухайн цаг үед хэрэглэж байсан эдлэл хэрэгсэл олдсон байна.