Иргэдийг орон сууцжуулах аяны хүрээнд түрээсийн орон сууцны төсөлд иргэдээ бүртгэж эхлээд байгаа билээ. Зээлтэй, үлдсэн тэтгэврийн мөнгө нь түрээсийн төлбөр төлж хүрэхгүй бол түрээсийн орон сууцны төсөлд хамрагдах боломжгүй гэнэ. Өөрөөр хэлбэл, өр зээл болон өрхийн хэрэгцээний харьцуулсан дүнгээс түрээсийн орон сууцанд хамрагдах боломжтой эсэх нь шалтгаалах аж. Түрээсийн орон сууцанд хамрагдах хүсэлтэй иргэд 68.56 ам.метртэй гурван өрөө, 39.30 ам.метртэй хоёр өрөө, 49.23 ам.метртэй хоёр өрөө байрнаас сонголтоо хийхээр болжээ. Ингэхдээ журамд заасны дагуу  залуу гэр бүл, төрийн албан хаагч, хувийн байгууллагын ажиллагсад болон хувираа хөдөлмөр эрхлэгч, 18 хүртэлх насны дөрөв ба түүнээс дээш хүүхэдтэй гэр бүл, өрх толгойлсон эцэг эх, өндөр тэтгэвэр тогтоолгосон ахмад настан, хөгжлийн бэрхшээлтэй иргэн, түүнийг халамжилдаг гэр бүл, гамшигт аюулт үзэгдлийн улмаас орон гэргүй болсон иргэн гэсэн төрлийн иргэд хамрагдах юм байна.