Энэ сарын 12-14-ний өдрүүдэд ОХУ-ын нийслэл Москва хотод болсон морьт харвааны аварга шалгаруулах олон улсын тэмцээнээс Монголын тамирчин Ө.Цамба хүрэл медаль хүртлээ. Мөн Ө.Цамба нь унгар харвааны төрөлд шагналт тавдугаар байрыг эзэлсэн байна. Түүнээс гадна Г.Гэсэр эх орноо төлөөлөн оролцжээ. Морин дээрээс сур харвах тэмцээнд 21 орны 80 гаруй тамирчин оролцсон бөгөөд Ираны тамирчин Али Горчин түрүүлж, ОХУ-ын Н.Сергей, Монголын Ө.Цамба нар мөнгө, хүрэл медалийн эзэд болов.  Морьт харвааны олон улсын тэмцээн Орос, Унгар, Солонгос, Турк гэсэн харвааны төрлөөр явагдаж, шилдгүүдээ тодруулсан юм.