Зургадугаар сарын 15-ны өдрөөс эхлүүлсэн "Яараад яахав дээ" аяны хүрээнд зам тээврийн ослоос сэргийлэх, замын хөдөлгөөний соёлыг дээшлүүлэх зэрэг олон төрлийн контентуудыг хийсэн билээ. Үүний үр дүнд жолооч нар орон нутгийн замд хурдаа багасгаж байгаа бөгөөд зам тээврийн осол буурсан байна. Энэ тухай  ЦЕГ-ын Хэвлэл мэдээллийн төвийн мэдээллэснээр  "Аяны хүрээнд зам тээврийн осол  50 хувиар буурсан. Тодруулбал,  2019 оны зургадугаар сарын 15-наас долдугаар сарын 15-ныг хүртэл нэг сарын хугацаанд орон нутгийн авто замд 45 гэмт хэрэг үйлдэгдэж хэргийн улмаас 37 хүний амь нас хохирч, 30 хүн гэмтсэн байна. Энэ үзүүлэлтийг өмнөх оны мөн үетэй харьцуулбал, зам тээврийн осол 63 хувиар буурч, хүний амь нас хохирсон хэрэг 27 хувиар буурсан төдийгүй гэмтсэн хүн 59.5 хувиар буурсан дүн гарсан" гэв.