Үндэсний их баяр наадмаар хүчит 512 бөх барилдахаар болжээ. Хүч үзэх бөхчүүдийн бүртгэлийг бөхийн өргөөнд хийхээр болов. Бүртгэл өнөөдөр, маргааш 10.00-18.00 цагийн хооронд болно. Улсын баяр наадамд барилдах бөхчүүд цолны үнэмлэх, хоёр хувь цээж зурагтайгаа өөрийн биеэр ирж бүртгүүлэх боллоо.  Мөн гэнэтийн ослын даатгалд даатгуулсан байх шаардлагатай юм. Өсвөрийн 128 бөхийн барилдаан болох бөгөөд барилдах хөвгүүдийг өнөөдөр Монголын хүүхдийн ордонд тус тус бүртгэх аж.