“Toyoto Sales Mongolia” корпораци нь баяр наадмын комисстой хамтран ажиллаж түрүүлсэн бөхөд ланд круйзер автомашин өгдөг уламжлалтай. Тэгвэл тус компани нь энэ жилээс шагналын сангаа өөрчилж  дурсгалын цом өгөхөөр болсон байна. Дурсгалын цом нь  60 кг жинтэй, цутгамал мөнгийг дөрвөн хүчтэн бүхий цэвэр алтаар чимэглэсэн, улаан хас, ногоон хаш, гартаам, номин шигтгээтэй, гантиг чулуун суурьтай, Батноров хийцийн арга барилаар урласан цор ганц юм. Түрүү бөхийн энэхүү шагналыг 13-нд Уяачдын наадам дээр гардуулахаар болжээ. Мөн компанийн зүгээс нийгмийн хариуцлагын хүрээнд 150 унаач хүүхдэд стандартын шаардлага хангасан хамгаалалтын хувцас өгнө хэмээн мэдэгдлээ.