Үндэсний батлан хамгаалахын их сургуулийн “Шархад” хээрийн сургалтын төвд “Оюутан цэрэг” сургалтын зургаа дахь ээлж  нээлтээ хийв. Уг сургалт нь хугацаат цэргийн нэг жилийн сургалтыг дөрвөн сард багтаасан бөгөөд цэргийн 11 бага мэргэжлийг эзэмшүүлдэг. Оюутан цэргийн зорилго нь залуучуудыг эх орноо батлан хамгаалах үйл хэрэгт бэлтгэх, бие бялдрын өв тэгш хүмүүжил олгох зэрэг юм. Мөн  дайчилгааны бэлтгэл нөөцийг бэлдэх бөгөөд  энэ жил 1000 оюутан хамрагдаж байна. Өнөөгийн байдлаар зургаан жилийн хугацаанд нийт 5500 гаруй оюутан тус хөтөлбөрт хамрагджээ.