“Яг түүн шиг” шоуны хагас финалын дугаар зургадугаар сарын 30-ны өдөр болж өндөрлөсөн билээ. Тус дугаарт авьяаслаг оролцогч Т.Бархүү дуучин Б.Амархүүг дуурайж, ялагчаар тодрон, арван сая төгрөгийн эзэн болсон билээ. Тэрбээр хэлэхдээ "Шагналын мөнгөө ард түмэнтэйгээ хуваалцана. Чухам юу хийхийг одоо сайн хэлж мэдэхгүй байна" гэж хэлж байлаа. Тийнхүү жүжигчин Т.Бархүү хэлсэндээ хүрч, өвчиндөө шаналж буй Б.Амингэрэл охинд хандив өргөжээ. Б.Амингэрэл охины хувьд БНСУ-д элэг шилжүүлэн суулгах мэс засал хийлгэх шаардлагатай байгаа ба эмчилгээний зардал 440.000.000 сая төгрөг хэрэгтэй байгаа юм.