Олон улсын сэтгүүлч мэргэжилтэй О.Оюунцэцэг нь “Oogii" брэндийг үүсгэн байгуулагч гэдгээрээ хэдийн танил болсон билээ. Өөрийн нэрийн брэндийг гаргаж, дэлхийн зах зээлд хөл тавиад байгаа Оюунцэцэг нь саяхнаас “Asian Australian Business Council”-ын төлөөлөн удирдах зөвлөлийн гишүүн болжээ. Тэрбээр “Манай брэндийн эрэгтэй гутал хөлд эвтэйхэн байдаг учраас Австралийн алдартай тамирчдад маш сайн хүрч байгаа. Жишээлбэл, рэгби тоглогч Robbie Farah болон Олимпийн мөнгөн медальт алдартай гүйлтийн тамирчин Du’aine Ladejo “Oogii" брэндийг сонгон үйлчлүүлдэг тухай мэдээллэсэн байна. Мөн  О.Оюунцэцэг нь долдугаар сарын 15-наас эх нутагтаа ирж Улаанбаатар хотод өөрийн брэндийн дэлгүүрээ нээхээр төлөвлөж байгаа аж.