"Миний ах атаман", "Маш нууц", "Зүрхний хилэн", "Байтаг богд" зэрэг олон арван уран бүтээлээрээ үзэгчдийг шуугиулж, олон хүний хайр хүндлэлийг хүлээсээр ирсэн "Фантастик" продакшны 10 жилийн ой энэ жил тохиож байгаа аж. Тийнхүү 10 жилийн ойдоо зориулан үүрэн холбооны оператор "Skytel" компанитай хамтран "37-р Точка" телевизийн олон ангит киног амжилттай хийжээ. Тус уран бүтээлээ удахгүй дэлгэцнээ гаргах гэж байгаа бөгөөд киноны анхны постер 2019.06.25 нд цацагдсан байна. "37-р Точка" кино нь ирэх есдүгээр сараас эхлэн телевизээр гарах ба хоёр бүлэг, 20 ангитай гэнэ.