Онлайнд хувийн нууцыг хадгалах асуудлаар АНУ-ын хууль тогтоогчдод мэдээлэл хийх үедээ Google-ын нэг захирал Хятадад DragonFly хэмээх хайлтын шинэ төсөл хэрэгжүүлэхээр бэлтгэж байгаагаа анх удаа албан ёсоор хүлээн зөвшөөрсөн байна. Тус компанийн нууцлалын ахлах ажилтан Кейт Энрайт сенатч Тед Крузын асуултад “DragonFly нэртэй төсөл бий” хэмээн хариулжээ. Тэрбээр “Үүнд юу хамаарах ба үл хамаарахыг би мэдэхгүй. Хятадад хайлтын бүтээгдэхүүн нэвтрүүлэхэд хол байна” хэмээн тодруулсан байна. Тэрбээр ийм үйлчилгээг эхлүүлбэл нууцлалын баг маш идэвхтэй оролцож, хувийн мэдээллийг хамгаалах үйл явцыг хянах болно хэмээн мэдэгджээ.