Монгол Улсын гавьяат тамирчин Э.Содномпилжээ энэ сарыйн 17-19-ний өдрүүдэд Финланд улсад болсон Олон улсын пауэрлифтингийн холбооны хэвтээ шахалтын Дэлхийн аварга шалгаруулах тэмцээний 105 кг-д дэлхийн рекордыг хоёр удаа шинэчлэж 242.5 кг шахаж өргөн аваргаллаа.

Пауэрлифтингийн RAW төрлөөр Монгол Улсын анхны дэлхийн аварга, рекорд амжилтын эзэн Э.Содномпилжээ Монголын пауэрлифтингийн нэгдсэн холбоо, Үндэсний шигшээ багийн гишүүн бөгөөд ШШГЕГ-ын 439 дугаар ангийн Сүлд сдорт хорооны тамирчин юм. Тэрбээр өөрийнх нь бэлтгэл сургуулилтыг хангаж дэмждэг энэ байгууллагууд болон Ард Даатгал санхүүгийн нэгдэл ХК, Ард даатгал ХХК, ХСИС, Мон Алтиус БТДС-ийн хамт олон, бэлтгэл хангасан Ган-Эрдэнэ Гансүх нарт чин сэтгэлээсээ баярлалаа хэмээн цахим хуудаснаа нийтэлсэн байна.