Өнгөрсөн долоо хоногт болсон Монгол Улсын Хөдөлмөрийн Баатар, Ардын жүжигчин, дуурийн дуучин Г.Хайдавт соёл урлагийн салбарынхан хүндэтгэл үзүүлэх үеэр ВВС агентлагийнхан Монголд хүрэлцэн ирж, “Чингис хаан” одонт, МУГЖ Г.Ариунбаатарын тухай хөрөг нэвтрүүлгээ бэлдэж, зураг авалтаа хийгээд амжжээ. 

Тус агентлагийнхан дуучны төрсөн нутаг болох Төв аймгийн Баян-Өнжүүл суманд нэвтрүүлгийнхээ зураг авалтыг хийжээ. Тэд нэвтрүүлэгтээ Г.Ариунбаатарын хүүхэд нас хэрхэн өнгөрсөн, оюутан үе, багш нарынх нь тухай ч үзүүлэх юм байна.