Соронзонболдын Батцэцэгт Хөдөлмөрийн баатар цол хүртээх зарлигийг Ерөнхийлөгч Х.Баттулга долоодугаар сарын 31-ний өдөр гаргаад байсан. Өнөөдөр ийнхүү Үндэсний шигшээ багийн тамирчин Соронзонболдын Батцэцэгт Монгол Улсын Хөдөлмөрийн баатар цол гардан авлаа.  

Цол гардуулах ёслолын үеэр Монгол Улсын Ерөнхийлөгч Х.Баттулга "Тулгар төрийн 2226, Их Монгол Улсын 811, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жилийн ой болж өнгөрсөн.

Үндэсний их баяр наадмыг тохиолдуулан С.Батцэцэгт Монгол Улсын Хөдөлмөрийн баатар цолыг хүртээж байна. Хөдөлмөр зүтгэлээр хичээн амжилтад хүрч болдгийг С.Батцэцэг маань харуулсан билээ" хэмээв.