АНУ-ын ерөнхийлөгч Дональд Трампын 2005 онд буяны үйлд зориулан зурсан зураг энэ сарын 27-ны Нейт Сандерсын дуудлага худалдаанд тавигдахаар болжээ. Дуудлага худалдааны үнэ 9000 ам.доллараас эхэлж буй юм. Уг гар зурган дээр Нью-Йорк хотын тэнгэр баганадсан өндөр барилгуудыг бүдүүвчлэн, тэдгээрийн дунд “Trump Tower” харагдаж байгаагаар дүрслэж, дор нь Дональд Трамп гарын үсгээ зуржээ. График зургийн хэмжээ 9х11.5 инч бөгөөд алтаар хүрээлэгдсэн байна.