Олон улсын жүдо бөхийн холбооноос тавдугаар сарын 30-ны өдөр гаргасан шинэчилсэн чансаагаар Казахстан улсын Гавьяат тамирчин Г.Отгонцэцэг дахин тэргүүллээ. Тэрбээр “Екатеринбург-2017”-с хүрэл, тивийн аваргаас мөнгөн медальтай буцсан бөгөөд жиндээ 3770 оноогоор тэргүүлсэн бол дэлхийн аварга, Гавьяат тамирчин М.Уранцэцэг 3420 оноогоор удаалсан байна. М.Уранцэцэг Хонгконгт болсон тивийн аваргын финалд Г.Отгонцэцэгийг ялж, түрүүлсэн юм.

Мөн манай бусад бөхчүүдээс 57 кг-д Гавьяат тамирчин Д.Сумъяа хоёроос гурав руу ухарсан бол 63 кг-д Б.Мөнгөнчимэг 14-т, +78 кг-д Б.Мөнхтуяа 25-р байрт бичигджээ. Эрчүүдээс 66 кг-д Д.Төмөрхүлэг, 73 кг-д Г.Одбаяр нар тавдугаарт байрт жагсжээ.