Ая зохиолч, продюсер, дуучин Б.Ангирмаагийн “Өнгө аяс”, “Удахгүй ээ...” цомгийн хэвлэлийн бага хурал өнөөдөр боллоо. Тус цомгийн хэвлэлийн бага хуралд МУГЖ, дуучин Б.Дашдондог, “Ocean Grey” продакшны продюсер А.Ариунболд, Нацагаа нар оролцлоо. 

Тэрбээр "Өнгө аяс" цомогтоо бага насандаа зохиосон дуунуудаа багтаасан аж. Тухайлбал, "Чиний харцанд", "Би асуумаар..." "Намар ганцаардал", "Мөрөөдлийн мөнгөн хонхны дуу" зэрэг 13 дуу нь багтсан бол "Удахгүй ээ" цомогт нь  "Ocean Grey" студийн залуустай хамтран хийсэн "Тэнгис", "Зүүд байлаа", "Өө Barry", "Ирмэх төдийд" зэрэг 5 дуу орсон байна.

 Дашрамд сонирхуулахад, энэхүү цомгууд нь дуучин Б.Ангирмаагийн 17 жилийн дараа гаргаж буй цомог бөгөөд арилжааны бус найз нөхдөдөө бэлэглэх зорилгоор хэвлүүлсэн аж.