Европ тивийн ноён оргил Эльбрус /5642м/ ууланд жил бүр зохион байгуулагддаг Skyrunning буюу өндөр уулын гүйлтийн спортын олон улсын тэмцээн энэ сарын 1-8-ны өдрүүдэд болж өнгөрлөө. Тэмцээнд дэлхийн 12 орны 350 уулчин оролцсоноос манайхаас эх орноо төлөөлөн Д.Отгонхүү оролцож тэргүүн байр эзэллээ. Тэрээр энэ төрөлд Монголын анхны медалийг ийнхүү авчирсан юм. Мөн тэрбээр 2:59:13 минутын амжилтаараа Монгол улсын рекордыг шинэчлэн тогтоосон юм.