Индонез улсад болж буй пауэрлифтингийн насанд хүрэгчид, залуучуудын Азийн аварга шалгаруулах тэмцээний насанд хүрэгчдийн -120 кг-ын жинд Б.Гантулга суултын төрөлд алт, цээж шахалтын төрөлд мөнгөн медаль хүртлээ. Мөн залуучуудын -120 кг-ын жинд М.Дорж суултын төрөлд мөнгө, цээж шахалтын төрөлд алтан медаль хүртсэн бол өсвөр үеийнхний -105 кг-ын жинд Д.Билгүүн суулт, газраас таталтын төрөлд алтан медаль хүртэж Индонезийн тэнгэрт төрийн дуулалаа эгшиглүүлэв. Д.Билгүүний хувьд тивийн аваргад түрүүлсэн Монголын анхны пауэрлифтингийн тамирчин болж байгаа нь энэ. Тус тэмцээнд Монголын пауэрлифтингийн холбооны ерөнхий нарийн бичгийн дарга Д.Баттулгын удирдлага дор манай 14 тамирчин хүч үзэж байгаа юм.