40-65 насны иргэдэд В, С вирусийн илрүүлэг, оношилгоог хийж, эмчилгээний зардлыг эрүүл мэндийн даатгалын сангаас хариуцахаар болсон. "Элэг бүтэн Монгол" Үндэсний хөтөлбөрийн нээлт маргааш төв талбайд 11.00 цагаас болох бөгөөд маргаашнаас эхлэн дээрх насны иргэд шинжилгээнд хамрагдах боломжтой юм. Оношилгоог иргэдэд илүү ойр байлгах үүднээс сум, өрхийн эрүүл мэндийн төв, нэгдсэн эмнэлгүүдээр хийх боломжтой байхаар зохицуулж байгаа юм.