Ардчилсан намаас Ерөнхийлөгчийн сонгуульд Х.Баттулга нэр дэвшихээр боллоо. Тус намын дотоод сунгаанд зургаан нэр дэвшигч өрсөлдсөнөөс намын гишүүдийн дунд орон даяар зохион байгуулсан санал хураалтад Х.Баттулга хамгийн олон санал буюу 2498 санал авч ялалт байгуулсан байна.

Нийт гишүүдийн асуулгаас хамгийн өндөр санал авсан нэр дэвшигчийг энэ сарын 6-нд болох Ардчилсан намын наймдугаар Их хурлаар баталгаажуулах юм. Ингэснээр Монголын Улсын Ерөнхийлөгчийн сонгуульд албан ёсоор нэр дэвших эрхтэй болж байгаа юм.