Шинэ Зеландын Оакланд хотод дэлхийн мастеруудын спортын наадам үргэлжилж байна.  Ес дэх удаагийн тус тэмцээнд манай улсаас спортын зургаан төрөлд 27 тамирчин өрсөлдөж байгаа юм. Манай багийн хувьд тус наадмаас одоогоор 5 алтан медаль хүртээд байгаа билээ. Тухайлбал, бөөрөнцөг  түлхэлтийн эмэгтэйчүүдийн 75-79 насны ангилалд Т.Цэрэндолгор алтан медаль хүртжээ. Өдгөө 78 настай Т.Цэрэндолгорын энэ амжилт тус наадмаас хүртсэн дөрөв дэх медаль юм.