Шинэ Зеландын Оакланд хотод  Дэлхийн мастеруудын спортын ес дэх удаагийн наадам болж буй. Тус тэмцээнд дэлхийн 165 орны 28 мянга гаруй тамирчин спортын 28 төрөлд өрсөлдөж байгаа юм. Харин манай улсаас спортын зургаан төрөлд 30 гаруй тамирчин оролцож байна.Тэмцээний хүндийг өргөлтийн төрөлд Ц.Оюунцэцэг алтан медаль,  диск шидэлтийн төрөлд өдгөө 78 настай Т.Цэрэндолгор түрүүлж Оакландын тэнгэрт төрийн дууллаа эгшиглүүлэв.