“Мах сүүний анхдугаар аян”-ыг хэрэгжүүлэх ажлын хүрээнд махны үнийг тогтворжуулах зорилгоор 4,5,6 дугаар саруудад нийт 12 аж ахуйн нэгж 15.000 тн мах бэлтгэн 2017 оны 04 дүгээр сарын 10-аас 2017 оны 07 сарын 01 хүртэл нийслэлийн 6 дүүргийн 108 дэлгүүрт худалдаалж эхлээд байна. Борлуулалтыг нэмэгдүүлэх, хэрэглэгчдэд ойртуулах зорилгоор 2017 оны 04 дүгээр сарын 22,23-ны өдрүүдэд нийслэлийн 6 дүүрэгт махны ил талбайн өргөтгөсөн худалдааг зохион байгуулахаар ажиллаж байна. Үүнд:

• Баянгол дүүрэг: Орхон зах, Хороолол хүнсний зах, Хар хорин зах
• Сүхбаатар дүүрэг: 32-ын тойрог, Хангай хороолол
• Баянзүрх дүүрэг: Тэнгэр бөөний худалдааны төв, Жуковын талбай, Дүнжингарав худалдааны төв
• Чингэлтэй дүүрэг: Хүчит шонхор хүнсний зах.Нарантуул 2.
• Сонгинохайрхан дүүрэг: Баянхошууны эцэст, Содон хороолол, Цамбагарав Соёмбо кинотеатр

        Хар хорин захын ард Пирамид үйлчилгээний төв

• Хан-Уул дүүрэг: Яармагийн эцэст

Өргөтгөсөн худалдааны үеэр борлуулах махны жижиглэнгийн үнийн хувьд үхрийн мах 1кг-5750 төгрөг, хонины мах 1 кг нь-5400 төгрөг, ямааны мах 1 кг нь 4400 төгрөгөөр худалдана. Харин бөөний үнийн хувьд үхрийн мах 1кг нь-5200 төгрөг, хонины мах 1 кг нь-4600 төгрөг, ямааны мах 1 кг нь  4000 төгрөгөөр худалдаалагдаж байгаа аж.

Эх сурвалж:Нийслэлийн Хүнс, Хөдөө Аж Ахуйн Газар