АНУ-ын Калифорни мужийн Сан Хосе хотод Ой тогтоолтын аварга шалгаруулах оюуны спортын тэмцээн болж өндөрлөжээ. Уг тэмцээнд Монголын Оюун Ухааны Академийн тамирчин, Олон улсын Их Мастер Б.Шижир-Эрдэнэ тэргүүлж, Америкийн аварга болжээ. Тэрбээр өнгөрсөн жил АНУ-ын Невада мужийн Лас Вегас хотноо 4 жил тутам зохион байгуулдаг “Memoriad-2016″ оюуны олимпийн наадамд  баг тамирчдынхаа хамт амжилттай оролцож олон дээд амжилтыг тогтоож байсан оюуны спортын шилдэг тамирчин юм.