Засгийн газрын хуралдаанаар “Элэг бүтэн Монгол хөтөлбөр”-ийг баталсан. Уг хөтөлбөрийн хүрээнд элэг шилжүүлэн суулгах мэс ажилбарын зардлыг төрөөс хариуцдаг боллоо. Мөн ирэх сараас эхлэн 40-65 насны иргэдэд элэгний В, С вирус илрүүлэх, тоолох, эмчлэх үйлчилгээг Эрүүл мэндийн даатгалын сангаас хариуцахаар болсон байна.

Элэгний өвчлөл манай улсын нас баралтын гол шалтгаан болоод байгаа бөгөөд элэгний өмөн, хатуурлын улмаас жилд 2600 хүн нас бардаг. Одоогийн байдлаар 32 иргэнд элэг шилжүүлэн суулгах мэс заслыг амжилттай хийгээд байгаа бөгөөд тус хагалгааны зардалд 85-104 сая төгрөг шаардагддаг байна.