Шатрын сонирхогчдын дэлхийн аварга шалгаруулах тэмцээн Итали улсын Сполето хотноо гурван төрлийн рейтингийн ангиллаар болж өндөрлөлөө. Уг тэмцээнд дэлхийн 61 орны 210 шатарчин оролцсон бөгөөд манай улсаас долоон шатарчин оролцсоноос “Монсчесс” шатрын клубын Б.Баярмаа шатрын сонирхогчдын дэлхийн аварга болжээ. Ийнхүү тэрбээр 2300 хүртэлх рейтингийн ангилалд түрүүлсэн монголын анхны эмэгтэй шатарчин болж байна. 

Мөн энэ ангилалд “Монсчесс” шатрын клубын шатарчин Х.Итгэлт оролцсон байна. Нийлбэр дүнгээр тус клубын шатарчин, ОХУ-ын Олон улсын шатрын мастер Э.Хулан мөнгөн медаль хүртсэн бол 7 настай шатарчин Н.Содбилэгт 4 дүгээр байр эзэлжээ.