МУГТ Д.Отгондалай Тайландын Эзэн хааны цомын эзнээр хоёр дахь удаагаа шалгарч хошой аварга болжээ. Тэрбээр Тайландын Эзэн хааны цомын төлөөх тэмцээний 60 кг-ын жинд хүч үзэн. алтан медалийн төлөө эзэн орны боксчин Сомча Вонгсувантай тоглож ялалт байгуулсан юм. Мөн тус тэмцээний 48 кг-ын жинд өрсөлдөж, хүрэл медалийн болзол хангасан ОУХМ Г.Ган-Эрдэнэ медалийн өнгөө хувиргах тулаанд нутгийн тамирчинд ялагдаж, хүрэл медаль хүртжээ.