Туркийн Анталья хотод жүдо бөхийн "Анталья-2017" гранпри тэмцээн эхэлсэн. Тус тэмцээнд 36 орны 274 тамирчин оролцож байгаа бөгөөд манай улсаас 11 жүдоч зодогложээ. Тэмцээний эмэгтэйчүүдийн 48 кг-ын жинд Казахстан улсын гавьяат тамирчин, олимпийн наадмын хүрэл медальт Г.Отгонцэцэг түрүүлж, IJF-ийн цуврал тэмцээнүүдээс долоо дахь түрүүгээ авсан байна. Тэрбээр Жүдогийн Гранпри тэмцээний гурван алт, хоёр мөнгө, гурван хүрэл медальтай бөгөөд 2015 оноос Казахстан улсын нэрийн өмнөөс барилдаж байгаа юм.