Амаржих дөхсөн ээжүүд хэзээ л бол хэзээ аваад гарахад бэлэн байхаар хувцас хэрэглэл, бичиг баримтаа бэлдээд орныхоо толгой дээр тавьчихсан байх ёстой гэдэг. Энэ үг бол зүгээр ч нэг ам дамжсан яриа биш бололтой. Гэнэт ус нь гараад, хүүхэд хорвоод дуугаа хадаах мөч ирчихвэл хэн ч, юу ч биднийг хүлээхгүй шүү дээ. Тиймээс хариугүй төрөх дөхсөн бол ээж та дараах зүйлсийг бэлдсэн байх шаардлагатай. 

Төрөхөөр ирэхдээ бүрдүүлэх материал

1. Иргэний үнэмлэх

2. Жирэмсний хяналтын солилцох хуудас

3. Жирэмсний ягаан дэвтэр

4.Эрүүл мэндийн дэвтэр

5.Жирэмсний хяналтын дэвтэр

Төрөх эмнэлэгт очихдоо дараах зүйлсийг бэлдэх шаардлагатай: Үүнд:

• Ор дэрний даавуу

• Том хүний живх 3ш/Өмсдөг биш наалддаг живх/
• Дэвсгэр живх 3ш
• Шөнийн ариун цэврийн хэрэглэл /Sofy 35 см-ээс урт/
• Хуурай болон нойтон сальфетка
• 00 цаас
• Солих ээлжний 3 ширхэг оймс
• Дулаан халад
• Толгой боох алчуур
• Урдуураа товчтой унтлагын хувцас/Төрсний дараа хүүхдээ амлуулаад амар байх болно/
• Углааш
• Дотуур хувцас/түрсик -3ш, хөхүүл левчик/
• Хувийн бэлтгэл /Аяга халбага, оо сойз, алчуур, саван, амны хаалт/
• Жижиг савтай ус-3ш
• Тосон клизм-1ш

Төрсний дараа

• Хүүхдийн нимгэн өлгийг угааж бэлдсэн байх
• Хүйг хөндөхгүй живх /Mamy Poko нярайн живх/

Түүнчлэн эдгээр зүйлсээ цүнхэндээ хийгээд яаралтай үед авч гарахад бэлэн байлгаарай бүсгүй минь.