Хувь хүний орлогын албан татварын хуулийн дагуу орон сууцны болон сургалтын төлбөрийн хөнгөлөлт, чөлөөлөлт эдлэхээр 74 222 татвар төлөгч иргэн 2016 оны тайланг Татварын албанд ирүүлжээ. Тэдгээр хүмүүсийн 45 тэрбум төгрөгийн илүү төлөлтийг баталгаажуулсан байна. Энэ нь урд оны тайлангаар баталгаажуулсан илүү төлөлттэй харьцуулбал 503 татвар төлөгчөөр буюу 500 сая төгрөгөөр нэмэгджээ. Буцаан олголт авахаар 2016 оны нэгдүгээр сарын 20-ноос өмнө ХХОАТ-ын тайлангаа ирүүлсэн, нийслэлийн I ээлжийн 11354 иргэний 868 тэрбум төгрөгийн хөнгөлөлтийг ирэх дөрөвдүгээр сард олгоно. Харин нэгдүгээр сарын 20-ноос 2 сарын 15-ны дотор тайлангаа ирүүлсэн иргэдийн илүү төлөлтийг 5, 6 дугаар сард багтааж буцаан олгохоор нийслэлийн төрийн сангаас төлөвлөжээ.