Хавар цаг ирж малчид ямаагаа самнаж, ноолуураа тушааж эхэлсэн байна. Ноолуурыг Эмээлт захын ченжүүд 70-80 мянган төгрөгөөр худалдан авч байгаа бол Налайх дүүргийн ноолуурын ченжүүд 84 мянган төгрөгөөр худалдан авч байгаа аж. Цаашид энэ ханш буурах эсэх нь одоогоор тодорхойгүй байгаа юм. Өнгөрсөн жил анхны ноолуурыг 80 мянга орчим төгрөгөөр худалдан авч байсан ч 40 мянган төгрөг болтлоо буурч байсан юм.