Менингококк нь агаар дуслын замаар өвчтэй хүнээс хүнд дамждаг халдвар юм. Уг өвчний халдвараар 19 хүртэлх насны хүмүүс тэр дундаа 6-36 сар хүртэлх насны хүүхдүүд зонхилон өвчилдөг байна. Тиймээс уг өвчнөөс сэргийлэх сайн дурын дархлаажуулалтыг ХӨСҮТ-д  долоо хоногийн Лхагва, Баасан гарагт хийж байна.

Ийнхүү ХӨСҮТ-д хийгдэж буй вакцин нь ДЭМБ болон НҮБ-ын Хүүхдийн сангийн шалгуур үзүүлэлтэд нийцсэн өндөр шаардлага хангасан үйлдвэрүүдээс нийлүүлдэг байдаг байна. Түүнчлэн хэрэв өвчин гарвал тухайн голомтод буй иргэдэд тархвар судлалын заалтаар вакциныг үнэ төлбөргүй хийдэг аж.