www.kinosan.mn сайтаас "Кино тоолуур" ажиллуулж эхлээд гурван жил болж байна. Нийслэлд үйл ажиллагаа явуулж байгаа бүх кино театруудаар тухайн кино гарсан давтамжийг тоолж статистик гарган долоо хоног бүр тогтмол зарладаг уламжлалтай. Энэ дагуу өнгөрсөн долоо хоногт нийт 13 кино үзэгчдэд хүрсэнээс “Миний нууц” уран сайхны кино 290 удаа дэлгэцэнд гарч кино тоолуурыг тэргүүлжээ. Удаах байрт "Лооган" кино 283, "Хоёр амь" 136 удаа тус тус дэлгэцнээ гарснаар шалгарав.