Азербайжаны нийслэл Баку хотноо жүдо бөхийн “Их дуулга”  тэмцээн энэ сарын 10-12-ны өдрүүдэд зохион байгуулагдав. Тус тэмцээнд нийт 32 орны эрэгтэй 126, эмэгтэй 80 жүдоч хүч үзсэнээс -73 кг-ын жинд зодоглосон манай улсын тамирчин, ОУХМ Г.Одбаяр алтан медаль хүртэж, Баку хотноо төрийн дууллаа эгшиглүүллээ.  Тэрбээр алтан медалийн төлөө Японы Дэлхийн хошой Аварга Рики Накаяаг 2 вазари үнэлгээгээр ялж, аваргалсан юм.  Хоёр бөх өмнө нь удаа тараа оноолт таарч байсан бөгөөд гурван удаа ялагдаж байсан манай бөх энэ удаад ялалт байгуулж, дэлхийн чансааны 1000 оноог өвөртлөж чадлаа.  Мөн тэмцээний -81 кг-ын жинд зодоглосон ОУХМ О.Ууганбаатар хүрэл медаль хүртэв.