В,С вирусын хурдавчилсан шинжилгээнд хамрагдахын тулд харьяа өрх, сумын эмнэлгүүд болоод Нийслэлийн есөн дүүргийн Эрүүл мэндийн төв, Улсын нэгдүгээр төв эмнэлэг, Халдварт өвчин судлалын үндэсний төвд хандах боломжтой болжээ.

Дээрх шинжилгээгээр вирус илэрсэн тохиолдолд идэвхжил тодорхойлох буюу вирус тоолох шинжилгээ, вакциныг Халдварт өвчин судлалын үндэсний төв, Сертификаттай 20 лабораторид хийлгэж болох аж. Шинжилгээнд хамрагдахдаа ЭМД-ийн дэвтэр, иргэний үнэмлэхтэй ирэх бөгөөд даатгалын дэвтэргүй тохиолдолд тарифын дагуу төлбөр төлөх аж.