АНУ-ын Колумбус хотноо энэ сарын 1-4-ний өдрүүдэд Бодибилдинг фитнессийн “Arnold classic international 2017” олон улсын тэмцээн болж өнгөрлөө. Хорин найм дахь удаагаа зохион байгуулагдаж буй уг тэмцээнд 80 орны 700 гаруй тамирчин өрсөлдсөнөөс эрэгтэйчүүдийн 70 кг-ын жинд Монголын мистер, ОУХМ Г.Дорж алтан медаль хүртэж, Америкийн тэнгэрт төрийн дууллаа эгшиглүүллээ. Тэрээр энэ тэмцээнээс медаль авсан анхны монгол тамирчин болж байгаа юм. “Arnold classic international 2017” тэмцээн нь Олон улсын бодибилдинг, фитнессийн холбооны чансаа өндөр тэмцээний нэг юм.