"Алтан Хальс"  холбооны Алтан Хальс Индепендент Кино Наадам (Altan Khalis Independent Film Festival – AKIFF)-ын бүртгэл дуусахад 2 сар хүрэхгүй хугацаа үлдэж байна. Уг кино наадам нь 5 дахь жилдээ зохион байгуулагдаж байгаа бөгөөд өмнө нь Алтан Хальс Андерграунд Кино Наадам нэртэй байсан юм. 

Өмнөх жилүүдэд андерграунд киног онцлон оролцуулдаг байсан бол энэ жилээс улам өргөжин тэлж индепендент гэж хэлж болохуйц ямар ч киногоо бүртгүүлж болохоор болсон нь оролцогчдод илүү их боломж олгож байгаа юм. 

Индепендент кино гэдгийг тухайн улсын кино урлагийн түгээлтийн болон хийц маягийн зонхилох чиг хандлагаас эрс ялгарахуйц, цэвэр арилжааны зорилгоор бүтээгдээгүй, зохиогчийн (найруулагч) хувийн бүтээлч дуу хоолой чухалчлан илэрсэн кино хэмээн тодорхойлж болох юм.

Наадмын үндсэн бүртгэл 2017 оны 5 сарын 1-ийг дуустал буюу 5 сарын 1-ний 23:59 хүртэл үргэлжлэх юм байна.

Уг наадмын дэлгэрэнгүй мэдээллийг эндээс авна уу.