“BBC” агентлагаас хоёр жил тутам зохион байгуулагддаг дуурийн дуулаачдын алдарт “Cardiff singer of the world” буюу “Дэлхийн дуучин” тэмцээний финалын шатанд МУГЖ,  Г.Ариунбаатар, УДБЭТ-ын дуучин, Э.Батжаргал нар шалгарчээ.

Тэмцээний эцсийн шалгаруулалт ирэх зургаадугаар сарын 18-25-ны өдрүүдэд зохион байгуулагдах аж. Уг тэмцээн хоёр жилд нэг удаа Их Британийн Уэльсийн нийслэл Кардиффид зохион байгуулагддаг бөгөөд тухайн газрынхаа нэрээр ихэд алдаршсан олон улсын тэмцээн юм. 2015 онд МУГЖ Э.Амартүвшин  тус тэмцээний эцсийн шатанд шалгарч, улмаар үзэгчдийн нэрэмжит шагналыг хүртэж байсан билээ.