Олон улсын Жүдо бөхийн холбоо буюу IJF-ээс зохион байгуулдаг цуврал тэмцээний нэг Гран при тэмцээн Германы Дюссельдорф хотноо болж манай жүдочид 3 хүрэл медаль хүртжээ.

Энэ оны хоёр дахь удаагийн Гран при тэмцээнд дэлхийн 91 орны эрэгтэй 353, эмэгтэй 204, нийт 557 жүдоч өрсөлдсөн байна. Манай улсаас 22 жүдоч зодоглосноос 3 хүрэл, шагналт V байрт дөрөв, VII байрт хоёр жүдоч орлоо. Япон, БНСУ гурван алтан медаль хүртсэн амжилтаар тэргүүлсэн бол Монгол 20 дугаар байрт жагслаа.