XVII жарны “Алтан унжлагат” хэмээх гал тахиа жилийн ерөнхий өнгө, ноён нуруу зурхайн зурлагад ийн буусныг Гандантэгчэнлин хийдийн тэргүүн хамба лам, гавж  Д.Чойжамцын айлтгалаас товчлон хүргэж байна.

• Тахиа жилийн эхээр салхи, шуурга ихтэй байна
• Гал түймрийн аюул нүүрлэх нигууртай тул ард иргэд болгоомжилвол зохилтой.
• Засаг төрийн тэргүүн нарт ээл муутай байх зурлага буусан тул анхаарал болгоомжтой байж, ард түмний үгийг сонсууштай
• Ард олны амьдрал аж байдал сайн байна
• Дунд түвшний иргэдэд ээлтэй жил болно
• Ард түмний аж байдал, амьдрал ахуйд нийтээр өөрчлөлт, дэвшил гарах боловч сэтгэл ханамж нь дутуу, чамлах байдал илэрнэ.

Эцэст нь айлтгахдаа тэрбээр, ерөөс ард иргэд нь амьдралдаа тохиосон сайн сайхан бүхэн, амжилт ололтдоо бага гэлтгүй баясч, сэтгэл хангалуун байх аваас улс орон тогтвортой хөгжиж, нийт олон ер алзахгүй болохыг сануулсан.