УИХ-ын гишүүн О.Баасанхүү өнгөрсөн хугацаанд хийж хэрэгжүүлсэн ажлын тайлан болон Эрдэнэт үйлдвэртэй холбоотой асуудлаар өөрийн байр сууриа илэрхийллээ. Тэрээр намрын ээлжит чуулган 34 удаа хуралдсанаас 31-д сууж, 166 цаг хуралдсанаас 151 цаг суусан бөгөөд 74 удаа үг хэлж (289 минут), 112 асуулт асууж намрын чуулганы рекордыг эвдээд байгаа юм.

Мөн өнгөрсөн хугацаанд тэрээр таван хууль санаачилж дөрвийг нь батлуулсан байна. Гишүүн хэлэхдээ: Эрдэнэт үйлдвэрийг хувьцаа хэлбэрээр олон нийтэд зарахыг дэмжихгүй байна. Миний зарчим 200 сая доллараар Эрдэнэт хөгжлийн сан байгуулах хэрэгтэй. Ийм сан байгуулахгүй бол “Эрдэнэт” үйлдвэрийн нөөц дуусахад Эрдэнэт хаягдсан хот болно гэв.