“ДОЗ" энтертайнмэнтын бүтээсэн “Элэг нэгтэн” кино “Navi Mumbai international film festival” олон улсын кино наадмаас шилдэг кино, шилдэг найруулагч, шилдэг жүжигчний шагнал хүртжээ.

Монгол, Тайланд уран бүтээлчдийн хамтарсан "Элэг нэгтэн" кино 2015 оны 10 дугаар сарын 1-нд нээлтээ хийсэн. Кинонд Монголд тэлсэн хүний наймааны олон улсын сүлжээний гарт нэгэн бүсгүй өртөж, амь нас нь эрсдэлд орсон тухай өгүүлдэг.

Тэд хилийн чанадад  кинонуудынхаа зураг авалтыг аваад зогсохгүй гадны шилдэг уран бүтээлчидтэй хамтран уран бүтээлээ туурвих болсон. “Дүүлэн нис", "Хөх толбот хүмүүс", "Кино шиг амьдрал" болон “Элэг нэгтэн” зэрэг кинонууд олны таашаалыг хүртсээр байгаа билээ.